ನುಡಿಗಟ್ಟುಗಳ ಸಂಗ್ರಹ

 ನಮ್ಮ ಹಿಂದಿನ ಪೋಸ್ಟಿನಲ್ಲಿ ದ್ವಿರುಕ್ತಿ, ನುಡಿಗಟ್ಟು ಮುಂತಾದ ಶಬ್ದ ಪ್ರಕಾರಗಳನ್ನು ತಿಳಿದುಕೊಂಡೆವು, ಈ ಸಾರಿ ನುಡಿಗಟ್ಟುಗಳ ಇನ್ನಷ್ಟು ಉದಾಹರಣೆಗಳನ್ನು ನೋಡೋಣ.

ನಿಮಗೆ ಗೊತ್ತಿರುವ ನುಡಿಗಟ್ಟುಗಳನ್ನು ಕಾಮೆಂಟಿನಲ್ಲಿ ಎಲ್ಲರೊಂದಿಗೆ ಹಂಚಿಕೊಳ್ಳಬಹುದು.

1. ಮೂಗು ತೂರಿಸು - ಬೇರೆಯವರ ವಿಷಯದಲ್ಲಿ ಮಧ್ಯಪ್ರವೇಶಿಸು
2. ಆಷಾಢಭೂತಿ - ಕಪಟಿ, ನಯವಂಚಕ
3. ಗಾಳಿ ಬಂದಾಗ ತೂರು - ಅವಕಾಶ ಉಪಯೋಗಿಸಿಕೊಳ್ಳುವುದು   
4. ದಾರಿ ನೋಡು -  ಕಾಯುವಿಕೆ  
5. ಬಂಗಾರದ ಪಂಜರ - ಸ್ವಾತಂತ್ರ್ಯ ಇಲ್ಲದಿರುವಿಕೆ  
6. ಗಾಳಿಗೋಪುರ - ಸುಳ್ಳು ಭರವಸೆ  
7. ಕಣ್ಣೀರಿನಲ್ಲಿ ಕೈತೊಳೆ - ಕಷ್ಟ ಅನುಭವಿಸು  
8. ಮಂತ್ರಮುಗ್ಧ - ಆಶ್ಚರ್ಯ ಚಕಿತ  
9. ಹೊಟ್ಟೆಉರಿ - ಅಸೂಯೆಪಡು  
10. ಹೊಟ್ಟೆಗೆ ತಣ್ಣೀರು ಬಟ್ಟೆ - ಹಸಿವಿನಿಂದ ಉಪವಾಸವಿರುವುದು  
11. ಹೊಟ್ಟೆಯ ಮೇಲೆ ಹೊಡೆ - ಪರರ ಕೆಲಸ ಕಿತ್ತುಕೊಳ್ಳುವುದು  
12. ಮೊಸಳೆ ಕಣ್ಣೀರು - ತೋರಿಕೆಯ ಕಣ್ಣೀರು  
13. ಗಾಯದ ಮೇಲೆ ಬರೆ - ನೋವಿನ ಜೊತೆ ಮತ್ತೊಂದು ನೋವು  
14. ಗಾಯದ ಮೇಲೆ ಉಪ್ಪು ಸವರು - ನೋವಿನಲ್ಲಿರುವವರಿಗೆ ಮತ್ತೆ ನೋವು ಕೊಡುವುದು  
15. ಹಿತ್ತಾಳೆ ಕಿವಿ - ಚಾಡಿಮಾತು ನಂಬುವುದು
16. ಕೆಸರೆರಚು - ಅಪವಾದ ಮಾಡು  
17. ಕಿವಿಮಾತು - ಬುದ್ಧಿವಾದ ಹೇಳು
18. ಮನಸಲ್ಲೇ ಮಂಡಿಗೆ ಸವಿ -ಕಲ್ಪನೆಯಲ್ಲೇ ಸಂತೋಷ ಪಡು  
19. ಕಾಲುಕೀಳು - ಪಲಾಯನ ಮಾಡು  
20. ಕನ್ನಡಿಯೊಳಗಿನ ಗಂಟು -ಕೈಯಲ್ಲಿ ಇರದ ಅಥವಾ ಸದ್ಯಕ್ಕೆ ಇಲ್ಲದ ಅವಕಾಶ 
21. ಕೈಕೊಡು - ಮೋಸ ಮಾಡು  
22. ಹೊಳೆಯಲ್ಲಿ ಹುಣಸೆಹಣ್ಣು ತೊಳೆದಂತೆ - ವ್ಯರ್ಥ ಕಾರ್ಯ 
23. ನೀರಿನಲ್ಲಿ ಹೋಮ ಮಾಡಿದಂತೆ - ವ್ಯರ್ಥ ಕಾರ್ಯ 
24. ಕೋಣನ ಮುಂದೆ ಕಿನ್ನರಿ ನುಡಿಸಿದಂತೆ - ಪ್ರಯೋಜನವಿಲ್ಲದ ಕೆಲಸ
25. ದಾರಿದೀಪ - ಮಾರ್ಗದರ್ಶನ ಮಾಡು
26. ತಲೆಕಾಯು - ರಕ್ಷಿಸು
27. ಗಾಳಿಗೆ ತೂರು - ನಿರ್ಲಕ್ಷ್ಯಿಸು
28. ಆನೆಬಲ - ಒತ್ತಾಸೆಯಾಗಿ ನಿಲ್ಲು
29. ಕೈ ಒಡ್ಡು - ಬೇಡುವುದು
30. ಕಣ್ಣು ಕೆಂಪಗಾಗು - ಸಿಟ್ಟಾಗು
31. ಕಾಲಿಗೆ ಬುದ್ಧಿ ಹೇಳು - ಓಡಿ ಹೋಗು
32. ಮುಖವಾಡ -ನಿಜವಾದ ಅಸ್ತಿತ್ವ ಮುಚ್ಚಿಡು
33. ಬೆನ್ನುತಟ್ಟು - ಪ್ರೋತ್ಸಾಹಿಸು
34. ತಲೆದೂಗು - ಮೆಚ್ಚಿಕೊಳ್ಳುವುದು
35. ಆಕಾಶಕ್ಕೆ ಏಣಿ ಹಾಕು - ಸಿಗದುದಕ್ಕೆ ಆಸೆ ಪಡು
36. ತಾಳಕ್ಕೆ ತಕ್ಕಂತೆ ಕುಣಿ - ಹೇಳಿದಂತೆ ಕೇಳು
37. ನೀರ ಮೇಲಿನ ಗುಳ್ಳೆ - ಕ್ಷಣಿಕ
38. ಕಣ್ ತೆರೆ - ಸತ್ಯ ತಿಳಿ
39. ಕಡ್ಡಿಯನ್ನು ಗುಡ್ಡ ಮಾಡು - ಸಣ್ಣ ವಿಷಯವನ್ನು ದೊಡ್ಡದು ಮಾಡು 
40. ವಿಷಕಾರು - ದ್ವೇಷಿಸು
41. ಮುಖ ನೋಡಿ ಮಣೆ ಹಾಕು - ತಾರತಮ್ಯ ಮಾಡು
42. ಕೈ ಮೇಲಾಗು - ವಿಜಯ ಸಾಧಿಸು
43. ತಲೆ ಕೆಳಗಾಗು - ಯೋಜನೆ ಫಲಿಸದಿರುವುದು
44. ಕಾಮಾಲೆ ಕಣ್ಣು - ಸಂಶಯ ಪಡು
45. ಹೊಟ್ಟೆಗೆ ಹಾಕಿಕೋ - ಕ್ಷಮಿಸು
46. ಹುಳಿ ಹಿಂಡು - ವಿಷಯ ಕೆಡಿಸು
47. ಉರಿಯುವ ಬೆಂಕಿಗೆ ತುಪ್ಪ ಸುರಿ - ಪರಿಸ್ಥಿತಿ ಮತ್ತಷ್ಟು ವಿಷಮಗೊಳಿಸು
48. ಗಾಯಕ್ಕೆ ಉಪ್ಪು ಸವರು - ನೋವಿನಲ್ಲಿರುವವರಿಗೆ ಮತ್ತಷ್ಟು ನೋವು ಕೊಡು
49. ಹೊಟ್ಟೆ ತಣ್ಣಗಿರಲಿ - ಸುಖವಾಗಿರು
50. ಎದೆ ಒಡಿ - ಆಘಾತಗೊಳ್ಳು
51. ಎದೆಗುಂದು - ಧೈರ್ಯಗೆಡು
52. ತಲೆ ತಗ್ಗಿಸು - ಅವಮಾನಗೊಳ್ಳು
53. ಬಣ್ಣಗೆಡು - ಸತ್ಯಅನಾವರಣಗೊಳ್ಳು
54. ಕಣ್ಣು ತೆರೆಸು - ಬುದ್ಧಿ ಕಲಿ
55. ಕಾಲು ಕೆರಿದು ಜಗಳ ಮಾಡು - ವಿನಾ ಕಾರಣ ಜಗಳ ಮಾಡು
56. ಗೋರಿ ಕಟ್ಟು - ವಿಷಯವನ್ನು ಮುಚ್ಚಿಹಾಕು
57. ಕೈ ಹಾಕು - ಮಧ್ಯಸ್ಥಿಕೆ ವಹಿಸು
58. ಕುತ್ತಿಗೆ ಕೊಯ್ಯಿ - ನಂಬಿಕೆದ್ರೋಹ
59. ಬೆನ್ನಿಗೆ ಚೂರಿ ಹಾಕು - ನಂಬಿಕೆ ದ್ರೋಹ
60. ಕೈ ಬಿಡು - ಮೋಸ ಮಾಡು
61. ಅಜ್ಜನ ಕಾಲದ್ದು - ಪುರಾತನ
62. ಅಪ್ಪ ನೆಟ್ಟ ಆಲದ ಮರ - ಹಳೆಯ ಶಾಸ್ತ್ರ ಸಂಪ್ರದಾಯಗಳು
63. ಬಿಚ್ಚೋಲೆ ಗೌರಮ್ಮ - ನಿರಾಭರಣೆ
64. ಮೊರೆ ಹೋಗು - ಶರಣಾಗು
65. ಮುಗಿಲು ಹರಿದು ಬೀಳು - ದುರಂತ ಎದುರಿಸು
66. ಬಾಯಿ ಮೇಲೆ ಬೆರಳು ಇಡು - ಆಶ್ಚರ್ಯ ಪಡು
67. ಕಣ್ಣರಳಿಸು - ಅಚ್ಚರಿಪಡು
68. ಬೆಲೆ ತೆರು - ಪಶ್ಚಾತ್ತಾಪ ಪಡು
69. ಕಿವಿ ತುಂಬು - ಚಾಡಿ ಹೇಳು
70. ಪಿಸುಮಾತು - ಮೆಲುದನಿಯ ಮಾತು
71. ಗಾಳಿಮಾತು - ಸುಳ್ಳುಸುದ್ದಿ ಹರಡು
72. ಮೊರೆ ಯಿಡು - ಬೇಡಿಕೊಳ್ಳು
73. ಮುಗಿಬೀಳು - ದಾಳಿ ಮಾಡು
74. ಸಂಬಂಧ ಹಳಸು - ಮನಸ್ತಾಪ
75. ಕಡ್ಡಿ ತುಂಡು ಮಾಡು - ನೇರ ದಿಟ್ಟ ನುಡಿ
76. ಬೆಂಕಿ ಹಚ್ಚು - ಚಾಡಿ ಹೇಳು
77. ನಾಯಿ ಪಾಡು - ಗತಿ ಇಲ್ಲದಿರುವಿಕೆ
78. ಮುಖಕ್ಕೆ ಮಂಗಳಾರತಿ - ಬೈಯ್ಯುವುದು 
79. ಟೋಪಿ ಹಾಕು - ಮೋಸಮಾಡು
80. ಅಂಗೈಯಲ್ಲಿ ಆಕಾಶ - ಹುಸಿ ನಿರೀಕ್ಷೆ ತೋರಿಸು
81. ನೀರು ಕುಡಿದಂತೆ - ಸುಲಭವಾಗಿ ಸಾಧಿಸು
82. ಬಲಗೈ ಬಂಟ - ನೆಚ್ಚಿನ ಕೆಲಸಗಾರ
83. ತಾಳ ತಪ್ಪು -ಕೆಲಸ ಕೆಡುವುದು
84. ಸೆರಗಿನ ಕೆಂಡ - ಅಪಾಯವನ್ನು ಜೊತೆಗಿಟ್ಟುಕೊಳ್ಳು
85. ಹಾವಿಗೆ ಹಾಲೆರೆದಂತೆ - ಅಪಾಯವನ್ನು ಪೋಷಿಸು
86. ಅನ್ನಕ್ಕೆ ದಾರಿ - ದುಡಿಮೆಗೆ ಮಾರ್ಗ
87. ಕಣ್ಣಿದ್ದೂ ಕುರುಡರಂತೆ - ತಿಳಿದೂ ನಿರ್ಲಕ್ಷ್ಯ ವಹಿಸು
88. ಕಾಲಿಗೆ ಚಕ್ರ - ಒಂದು ಕಡೆ ನಿಲ್ಲದಿರುವಿಕೆ
89. ಬೇಳೆ ಬೇಯಿಸಿಕೊ - ತನ್ನ ಕೆಲಸ ಮಾತ್ರ ನೋಡಿಕೊ
90. ಬಾಯಿ ಕಟ್ಟು - ಆಹಾರದಲ್ಲಿ ಹಿಡಿತ
91. ಕಣ್ಣಲ್ಲಿ ಎಣ್ಣೆ - ಏಕಾಗ್ರತೆಯಿಂದ
92. ಕುರುಡು ಕಾಂಚಾಣ - ಧನದಾಹ
93. ಮೈ ಮರೆ - ಅಲಕ್ಷ್ಯ
94. ಕಣ್ಣು ಹತ್ತು - ನಿದ್ದೆ ಮಾಡು
95. ತೋಳೆರಿಸು - ಜಗಳಕ್ಕೆ ಹೋಗು
96. ಟೊಂಕ ಕಟ್ಟಿ ನಿಲ್ಲು - ಕೆಲಸಕ್ಕೆ ಸಜ್ಜಾಗು
97. ಕೈಗೂಡು - ನೆರವೇರು
98. ಸೊಂಟ ಮುರಿ - ನಿಗ್ರಹಿಸು
99. ಮೈಮುರಿದು ದುಡಿ - ಕಷ್ಟಪಟ್ಟು ದುಡಿ
100. ಬೆವರಿಳಿಸು - ಬೈಯ್ಯುವುದು
101. ಕೈ ಜೋಡಿಸು - ಸಹಕರಿಸು
102. ಸೆರ ಗೊಡ್ಡು - ಬೇಡಿಕೋ
103. ಮಾನ ಹರಾಜು ಹಾಕು - ಅವಮಾನ ಮಾಡು
104. ನೀರು ಕುಡಿಸು - ಬುದ್ಧಿ ಕಲಿಸು
105. ಏಳು ಕೆರೆ ನೀರು ಕುಡಿ - ಚೆನ್ನಾಗಿ ಪಳಗು
106. ಕಂಬಿ ಕೀಳು - ಪಲಾಯನ ಮಾಡು
107. ಕಣ್ಣಿಗೆ ಮಣ್ಣರಚು - ಮೋಸ ಮಾಡು 
108. ಗತಿ ಕಾಣಿಸು - ಬುದ್ಧಿ ಕಲಿಸು
109. ಗಗನ ಕುಸುಮ - ಕೈಗೆ ನಿಲುಕದ್ದು
110. ಕಣ್ಣಳತೆ - ಕೈಗೆ ಸಿಗುವುದು/ಹತ್ತಿರದ 
111. ಒರೆ ಹಚ್ಚು - ಪರೀಕ್ಷಿಸು
112. ಕೈಮುರಿದಂತಾಗು - ಬಲಹೀನನಾಗು
113. ಗಟ್ಟಿಕುಳ - ಶ್ರೀಮಂತ 
114. ಪಳಗಿದ ಕೈ - ಅನುಭವಿ
115. ಇಂಗಿ ಹೋಗು - ಒಣಗಿ ಹೋಗು
116. ತಣ್ಣೀರೆರಚು - ನಿರಾಶೆ ಮಾಡು
117. ಬೆನ್ನೆಲುಬು - ಆಧಾರ
118. ತಲೆ ತಿನ್ನು - ಅನವಶ್ಯಕ ಮಾತಾಡು
119. ತಲೆ ಬಿಸಿ ಮಾಡು - ಸಿಟ್ಟು ಬರಿಸು
120. ತವಡು ಕುಟ್ಟು - ಅನಾವಶ್ಯಕ ಮಾತು
121. ಮೊಳಕೆಒಡಿ - ಹೊಸ ವಿಷಯದ ಪ್ರಾರಂಭ
122. ಅಳಿಲು ಸೇವೆ - ಸಣ್ಣ ಸಹಾಯ
123. ತಲೆ ಮರೆಸು - ಬಚ್ಚಿಟ್ಟುಕೊಳ್ಳು
124. ಕಣ್ಣು ತಪ್ಪಿಸು - ಸಿಗದೇ ತಪ್ಪಿಸಿಕೊಳ್ಳು