ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು
ಬದುಕು ಬಾಳಿನ ನಿಧಿಯು ಸದಭಿಮಾನದ ಗೂಡು |
ರಾಜನ್ಯರಿಪು ಪರಶುರಾಮನಾಳಿದ ನಾಡು
ಆ ಜಲಧಿಯನೆ ಜಿಗಿದ ಹನುಮನುದಿಸಿದ ನಾಡು
ಓಜೆಯಿಂ ಮೆರೆದರಸುಗಳ ಸಾಹಸದ ಸೂಡು
ತೇಜವನು ನಮಗೀವ ವೀರ ವೃಂದದ ನಾಡು |
ಲೆಕ್ಕಿಗಮಿತಾಕ್ಷರರು ಬೆಳೆದು ಮೆರೆದಿಹ ನಾಡು
ಜಕ್ಕಣನ ಶಿಲ್ಪಕಲೆಯಚ್ಚರಿಯ ಕರುಗೋಡು
ಚೊಕ್ಕ ಮತಗಳ ಸಾರಿದವರಿಗಿದು ನೆಲೆವೀಡು
ಬೊಕ್ಕಸದ ಕಣಜವೈ ವಿದ್ವತ್ತೆಗಳ ಕಾಡು ||
ಪಾವನೆಯರಾ ಕೃಷ್ಣ ಭೀಮೆಯರ ತಾಯ್ನಾಡು
ಕಾವೇರಿ ಗೋದೆಯರು ಮೈದೊಳೆವ ನಲುನಾಡು
ಆವಗಂ ಸ್ಫೂರ್ತಿಸುವ ಕಬ್ಬಿಗರ ನಡೆಮಾಡು
ಕಾವ ಗದುಗಿನ ವೀರ ನಾರಾಯಣನ ಬೀಡು ||
- ಹುಯಿಲುಗೋಳ ನಾರಾಯಣ ರಾವ್
1. "ಶ್ರೀನಿವಾಸ" ಇದು ಯಾರ ಕಾವ್ಯನಾಮ ?
ಮಾಸ್ತಿ ವೆಂಕಟೇಶ್ ಅಯ್ಯಂಗಾರ
2.ರಗಳೆ ಕವಿ ಯಾರು?
ಹರಿಹರ
3. "ಕಾವ್ಯಾನಂದ" ಯಾರ ಕಾವ್ಯನಾಮ ?
ಡಾ. ಸಿದ್ಧಯ್ಯ ಪುರಾಣಿಕ
4. "ಕವಿಚಕ್ರವರ್ತಿ" ಎಂಬ ಬಿರುದು ಯಾರದು ?
ರನ್ನ
5. ತುಘಲಕ್, ಹಯವದನ ಇವು ಯಾರ ನಾಟಕಗಳು ?
ಗಿರೀಶ್ ಕಾರ್ನಾಡ್
6. "ಕನ್ನಡದ ಕಣ್ವ" ಯಾರು ?
ಶ್ರೀ ಬಿ ಎಂ ಶ್ರೀಕಂಠಯ್ಯ
7. ಹರಿಹರನ ಅಳಿಯ ಹಾಗೂ ಶಿಷ್ಯನಾದಂತಹ ಕವಿ ಯಾರು ?
ರಾಘವಾಂಕ
8. "ಕನ್ನಡದ ಕುಲಪುರೋಹಿತ" ಎಂದು ಯಾರನ್ನು ಕರೆಯಲಾಗಿದೆ ?
ಆಲೂರ ವೆಂಕಟರಾವ್
9. "ಕಡಲ ತೀರ ಭಾರ್ಗವ" ಯಾರು ?
ಶಿವರಾಮ ಕಾರಂತ
10. "ಪಕ್ಷಿ ಕಾಶಿ" ಯಾರ ಕೃತಿ ?
ಕುವೆಂಪು
