ನಾಮಪದಗಳ ಪ್ರಕಾರಗಳು (Types of Nouns)

ನಾಮಪದಗಳ ಮುಖ್ಯವಾದ  ಪ್ರಕಾರಗಳು ಈ ಕೆಳಗಿನಂತಿವೆ.

1. ವಸ್ತುವಾಚಕಗಳು 
2. ಗುಣವಾಚಕಗಳು 
3. ಸಂಖ್ಯಾವಾಚಕಗಳು
4. ಸಂಖ್ಯೇಯವಾಚಕಗಳು
5. ಭಾವನಾಮಗಳು 
6. ಪರಿಮಾಣವಾಚಕಗಳು 
7. ಪ್ರಕಾರವಾಚಕಗಳು 
8. ದಿಗ್ವಾಚಕಗಳು    
9. ಸರ್ವನಾಮಗಳು     

ವಸ್ತುವಾಚಕಗಳು : 

 ವಸ್ತುಗಳ ಹೆಸರುಗಳನ್ನು ಸೂಚಿಸುವ ಪದಗಳನ್ನು ವಸ್ತುವಾಚಕ ನಾಮಪದಗಳೆನ್ನುತ್ತಾರೆ.  ಇವುಗಳಲ್ಲಿ ಮೂರು ಪ್ರಕಾರಗಳು ಅವು ರೂಢನಾಮ, ಅಂಕಿತನಾಮ ಮತ್ತು ಅನ್ವರ್ಥನಾಮ. 

ರೂಢನಾಮ : ರೂಢಿಯಿಂದ  ಬಂದ ಹೆಸರುಗಳನ್ನು ರೂಢನಾಮ ಎನ್ನುವರು. 

ಉದಾ :  ಹೂವು, ಮನೆ, ಊರು, ರಸ್ತೆ, ಸಮುದ್ರ, ಪಕ್ಷಿ, ಶಾಲೆ  ಇತ್ಯಾದಿ. 

ಅಂಕಿತನಾಮ : ವ್ಯವಹಾರದ ಉಪಯೋಗಕ್ಕಾಗಿ ಇಟ್ಟುಕೊಂಡ ಹೆಸರುಗಳನ್ನೆಲ್ಲ ಅಂಕಿತನಾಮಗಳು ಎನ್ನುತ್ತಾರೆ.

 ಉದಾ: ವಿಧಾನಸೌಧ, ಕಾವೇರಿ, ಹಿಮಾಲಯ ಪರ್ವತ, ಅರಬ್ಬೀ ಸಮುದ್ರ  ಇತ್ಯಾದಿ. 

ಅನ್ವರ್ಥ ನಾಮಗಳು :  ಅರ್ಥಕ್ಕೆ  ಅನುಗುಣವಾದ ಹೆಸರುಗಳನ್ನು ಅನ್ವರ್ಥನಾಮ  ಎನ್ನುವರು. 

ಉದಾ: ರೈತ, ವ್ಯಾಪಾರಿ , ಕಮ್ಮಾರ, ಜಾಣ  ಇತ್ಯಾದಿ. 

ಗುಣವಾಚಕಗಳು : ವ್ಯಕ್ತಿ ಅಥವಾ ವಸ್ತುಗಳ ಗುಣ,  ಸ್ವಭಾವಗಳನ್ನು  ತಿಳಿಸುವ ಪದಗಳನ್ನು ಗುಣವಾಚಕಗಳೆನ್ನುವರು. 

ಉದಾ:    ಒಳ್ಳೆಯ, ಬಿಳಿಯ,  ಹಳೆಯ , ಹೊಸದಾದ ಇತ್ಯಾದಿ. 

ಸಂಖ್ಯಾವಾಚಕಗಳು : ಸಂಖ್ಯೆಯನ್ನು ಸೂಚಿಸುವ ಪದಗಳನ್ನು ಸಂಖ್ಯಾವಾಚಕಗಳ  ಎಂದು ಕರೆಯುತ್ತಾರೆ. 

ಉದಾ : ಒಂದು , ಹತ್ತು, ಸಾವಿರ, ಇಪ್ಪತ್ತು , ಒಂದು ಕೋಟಿ  ಇತ್ಯಾದಿ. 

ಸಂಖ್ಯೇಯವಾಚಕಗಳು : ಸಂಖ್ಯೆಗಳಿಂದ ಕೂಡಿದ ಶಬ್ದಗಳನ್ನು ಸಂಖ್ಯೇಯವಾಚಕಗಳು ಎನ್ನುವರು. 

ಉದಾ : ಮೂರನೆಯ, ದುಪ್ಪಟ್ಟು ಇತ್ಯಾದಿ. 

ಭಾವನಾಮಗಳು : ಭಾವನೆಗಳನ್ನು ವ್ಯಕ್ತ ಪಡಿಸುವ ಪದಗಳನ್ನು ಭಾವನಾಮಗಳು ಎನ್ನುವರು. 

ಉದಾ : ಅರೆ, ಅಬ್ಬ , ಆಹಾ ಇತ್ಯಾದಿ. 

ಪರಿಮಾಣವಾಚಕಗಳು : ಯಾವುದೇ ವಸ್ತುವಿನ ಪರಿಮಾಣಗಳಾದ ಗಾತ್ರ, ಅಳತೆ ಮುಂತಾದವುಗಳನ್ನು ಹೇಳುವ ಶಬ್ದಗಳನ್ನು ಪರಿಣಾಮವಾಚಕಗಳು ಎನ್ನುವರು . 

ಉದಾ: ಇನ್ನಷ್ಟು, ಅಷ್ಟು, ಕೆಲವು, ಹಲವಾರು ಇತ್ಯಾದಿ 

ಪ್ರಕಾರವಾಚಕಗಳು : ವಸ್ತುಗಳ  ರೀತಿ ಅಥವಾ ಸ್ಥಿತಿಯನ್ನು ವಿವರಿಸುವ ಪದಗಳನ್ನು ಪ್ರಕಾರವಾಚಕಗಳು ಎನ್ನುವರು. 

ಉದಾ: ಇಂತಹ , ಅಂತಹ ಇತ್ಯಾದಿ 

ದಿಗ್ವಾಚಕಗಳು  : ದಿಕ್ಕುಗಳನ್ನು ಸೂಚಿಸುವ ಪದಗಳು ದಿಗ್ವಾಚಕಗಳಾಗಿವೆ. 

ಉದಾ : ಉತ್ತರ , ದಕ್ಷಿಣ, ಪೂರ್ವ, ಪಶ್ಚಿಮ, ನೈಋತ್ಯ, ಈಶಾನ್ಯ ಇತ್ಯಾದಿ.  

ಸರ್ವನಾಮಗಳು :  ನಾಮಪದಗಳ ಬದಲು   ಬಳಸಲ್ಪಡುವ ಶಬ್ದಗಳಿಗೆ ಸರ್ವನಾಮಗಳೆನ್ನುವರು. 

ಉದಾ : ಅವನು, ಅವಳು, ನಾನು, ನೀನು ಇತ್ಯಾದಿ.